Debit आणि Credit हि दोन शब्द सतत आपल्या वापरात येतात, जी आपल्या दैनंदिन आर्थिक जीवनात अविभाज्य भाग बनली आहेत. जास्त करून बँक च्या व्यवहारात हे शब्द येतात. आपण बँकिंग, गुंतवणूक किंवा फक्त आपल्या खर्चावर लक्ष ठेवण्याचा प्रयत्न करत असाल, तर डेबिट आणि क्रेडिट ही दोन शब्दं आपल्या कानावर नक्कीच पडली असतील, पण यांचा नेमकी अर्थ काय आहे? आणि या दोन्ही शब्दांमधील फरक काय आहे? हे आपण जाणून घेणार आहोत.
आपल्यापैकी बरेच जण डेबिट कार्ड किंवा क्रेडिट कार्ड वापरत असतील, पण तरीही काहींना याचा अचूक अर्थ माहिती नसतो, या दोन शब्दात अनेक लोक गोंधळतात. त्यामुळे आजच्या लेखात आपण Debit चा अर्थ आणि Credit चा अर्थ पाहणार आहोत. बँक खात्यात कशाने पैसे जमा होतात आणि कशाने कमी होतात हे तुम्हाला खालील लेख वाचून समजेल. तर चला Debit आणि Credit चा Meaning समजून घेऊयात.
डेबिट म्हणजे काय? (Debit Meaning in Marathi)
Debit म्हणजे आपल्या बँक खात्यातून पैसे कमी होणे, खर्च होणे, काढून घेणे. जेव्हा आपण आपल्या खात्यातून पैसे काढता, तेव्हा आपल्या खात्यातून एक Debit Entry केली जाते. Debit Entry चा अर्थ असा होतो की आपल्या खात्यातून पैसे कमी झाले आहेत. सोप्या भाषेत, जेव्हा तुमच्या खात्यातून पैसे कापले जातात किंवा खर्च केले जातात तेव्हा त्याला डेबिट म्हणतात.
उदाहरणार्थ, जर तुम्ही तुमच्या खात्यातून पैसे काढले, किंवा दुसऱ्याला पैसे ट्रान्सफर केले, तर त्यासाठी Debited to A/c हा शब्द वापरला जातो. कोणताही Bill Payment, Recharge, Check Payment किंवा कोणत्याही खरेदीसाठी केलेल्या पेमेंटनंतर Debited म्हणून संदेश येतो.
उदाहरणार्थ, Rs.500 Debited from Account, म्हणजे आपल्या खात्यातून 500 रुपये कमी झाले आहेत.
क्रेडिट म्हणजे काय? (Credit Meaning in Marathi)
क्रेडिट म्हणजे आपल्या खात्यात पैसे जमा होणे. जेव्हा आपल्याला पगार मिळतो किंवा कुणीतरी आपल्याला पैसे पाठवते किंवा आपल्याला बँकेतून व्याज मिळते तेव्हा आपल्या खात्यात Credit Entry होते. याचा अर्थ आपल्या खात्यातली रक्कम वाढते. सोप्या भाषेत, तुमच्या बँक खात्यात पैसे जमा केले जातात तेव्हा त्याला क्रेडिट म्हणतात.
जणू काही तुमच्या ठेवीवर व्याज दिले गेले आहे. किंवा कोणीतरी तुमच्या खात्यात पैसे ट्रान्सफर केले असतील. याला सामान्य भाषेत Deposit असेही म्हणता येईल. तुमच्या खात्यात कोणतीही रक्कम Credit झाली याचा अर्थ तुमच्या खात्यात आणखी पैसे जमा झाले आहेत आणि तुमचा शिल्लक बॅलन्स वाढला आहे.
उदाहरणार्थ, Rs.500 Credited to Account, म्हणजे आपल्या खात्यात 500 रुपये जमा झाले आहेत.
Debit आणि Credit शब्दाचा बँकेत उपयोग
बँकांमध्ये क्रेडिट आणि डेबिट या शब्दाचा खूप महत्त्वाचा उपयोग होतो. हे शब्द आपल्या बँक खात्यातील प्रत्येक व्यवहाराला समजून घेण्यासाठी आवश्यक आहेत.
१) जेव्हा आपण आपल्या खात्यातून पैसे काढता (Debit), तेव्हा आपले खाते शिल्लक कमी होते. उलट, जेव्हा आपल्या खात्यात पैसे जमा होतात (Credit), तेव्हा आपले खाते शिल्लक वाढते.
२) प्रत्येक बँक व्यवहारात डेबिट किंवा क्रेडिट यापैकी एक असते. उदाहरणार्थ, जेव्हा आपण एटीएम मधून पैसे काढता, तेव्हा ते डेबिट आहे. जेव्हा आपल्याला पगार मिळतो, तेव्हा ते क्रेडिट आहे.
३) आपल्या बँक स्टेटमेंटमध्ये आपल्या सर्व व्यवहारांची नोंद असते. यामध्ये प्रत्येक व्यवहारासाठी डेबिट किंवा क्रेडिट दर्शवलेले असते. यामुळे आपण आपले खर्च सहजपणे ट्रॅक करू शकता.
४) बँका आपल्या व्यवहारांची नोंद ठेवण्यासाठी द्विक प्रणाली वापरतात. या प्रणालीत प्रत्येक व्यवहारात डेबिट आणि क्रेडिट दोन्ही असतात.
५) जेव्हा आपण क्रेडिट कार्ड वापरून खरेदी करता, तेव्हा आपण बँकेकडून पैसे उधार घेत असता. हे क्रेडिट आहे. नंतर आपण हे पैसे व्याजासह परत करावे लागते.
६) बँकिंग सॉफ्टवेअर डेबिट आणि क्रेडिट या संकल्पनांवर आधारित असते. हे सॉफ्टवेअर आपल्या खात्याचे व्यवस्थापन आणि आपल्याला आवश्यक असलेली माहिती प्रदान करण्यासाठी या संकल्पनांचा वापर करते.
Debit आणि Credit शब्दात फरक काय आहे?
डेबिट आणि क्रेडिट या दोन्ही संकल्पनांमध्ये नेमकी काय फरक आहे, हे जाणून घेणे खूप महत्त्वाचे आहे. आपण बँकेचे व्यवहार करत असताना या दोन्ही शब्दांचा आपल्याला अनेकदा सामना होतो. त्यामुळे खाली डेबिट आणि क्रेडिट मधील फरक दिला आहे.
| डेबिट | क्रेडिट |
|---|---|
| बँक खात्यातून पैसे काढणे | बँक खात्यात पैसे जमा करणे |
| खात्यातील शिल्लक कमी होते | खात्यातील शिल्लक वाढते |
| उदा… पैसे पाठवणे, ATM मधून पैसे काढणे, खरेदी करणे, बिल भरणे | उदा… पगार मिळणे, व्याज मिळणे, पैसे खात्यात येणे |
Debit Card आणि Credit Card काय असते?
Debit Card – डेबिट कार्ड तुमच्या Savings Bank Account शी जोडलेले असते. याच्या मदतीने आपल्या बँक खात्यात जे पैसे आहेत तेच आपण खर्च करू शकतो. त्याकरता तुम्हाला एक पिन किंवा पासवर्ड दिला दिला जातो तो तुम्हाला पैसे काढण्यासाठी किंवा डेबिट कार्ड वापरण्यासाठी वापर करावा लागतो. याचाच अर्थ तुमच्याकडे जी रक्कम बँक खात्यात जमा आहे तेवढी रक्कम वापरण्याची मुभा डेबिट कार्ड द्वारे मिळते
Credit Card – क्रेडिट कार्ड हे असे कार्ड आहे ज्यामध्ये तुम्हाला एका ठराविक मर्यादेत कर्ज घेण्याची आणि खर्च करण्याची सुविधा मिळते. यामध्ये असलेली रक्कम तुम्हाला लाइन ऑफ क्रेडिटच्या स्वरूपात दिली जाते. तुम्ही जे काही पैसे खर्च करता, तेही ठराविक मुदतीत परत करावे लागतात. त्यानंतर त्यावर व्याज आणि विलंब शुल्क आकारले जाते.
FAQ’s –
१) डेबिट म्हणजे काय? Debited Meaning in Marathi
डेबिट म्हणजे खात्यातून पैसे काढणे किंवा कमी होणे.
२) क्रेडिट म्हणजे काय? Credited Meaning in Marathi
क्रेडिट म्हणजे खात्यात पैसे जमा होणे, टाकणे.